ÁTTUNDA DAUÐASYNDIN
Lífshættulegt loforð
Höfundur Angela Marsons
Þýðing Ingunn Snædal
„Einhver er að endurskapa skelfilega atburði úr fortíð þinni. Tilgangurinn er að valda þér sársauka og angist og lokamarkmiðið hlýtur að vera dauði þinn.“
Á fjórðu hæðinni í Chaucer-húsi finnast tvö ungmenni hlekkjuð við ofn. Drengurinn er dáinn en stúlkan á lífi. Hvert einasta smáatriði vettvangsins endurspeglar hræðilega lífsreynslu rannsóknarfulltrúans Kim Stone og Mikeys bróður hennar þegar þau bjuggu í sömu blokk þrjátíu árum fyrr.
Þegar lík miðaldra hjóna finnast í brunnum bíl getur Kim ekki annað en séð líkindin við dauða Ericu og Keiths – einu ástríku foreldranna sem hún átti.
Morðinginn er greinilega að endurskapa skelfileg áföll úr fortíð Kim og hún skilur að einhver vill særa hana holundarsári. Til að fá að halda áfram að rannsaka málið sjálf neyðist hún til að vinna með atferlisfræðingnum Alison Lowe, sem hefur verið fengin til að fylgjast með hegðun hennar.
Kim hefur varið mörgum árum í að handsama hættulega glæpamenn og vernda saklausa. En ef morðinginn er staðráðinn í að eyðileggja hana, nær hún þá að leysa þetta flókna mál og bjarga eigin lífi eða verður hún síðasta fórnarlambið?
Mírabella brýtur reglurnar
Höfundur Harriet Muncaster
Þýðandi Ingunn Snædal
Mírabella er sérstök af því að hún er öðruvísi.
Mamma Mírabellu er norn og pabbi hennar er álfur og hún er blanda af hvoru tveggja.
Þegar Mírabella byrjar í nornaskólanum lofar hún
að gera ekkert af sér ……
En svo gengur allt á afturfótunum í bruggtímanum og flugæfingin endar með ósköpum. Áður en varði er Mírabella búin að brjóta allar reglur sem hægt er að hugsa sér.
Vonandi getur hún lagað allt saman, með hjálp Karlottu, bestu vinkonu sinnar, áður en tími er kominn til að fara heim.
Handbók fyrir ofurhetjur - Tíundi hluti: Allir ljúga
Höfundar Elias og Agnes Vahlund
Þýðandi Ingunn Snædal
Reyndu að segja alltaf sannleikann – en stundum má satt kyrrt liggja.
Lísa veit að þær Sandra geta ekki verið vinkonur lengur. Það er of hættulegt, Sandra er jú dóttir Wolfgangs, versta skúrks í sögu Rósahæðar! En þegar Sandra biður Rauðu grímuna um að hjálpa sér að fá að heimsækja pabba sinn í fangelsið getur Lísa ekki neitað. Börn verða að fá að hitta foreldra sína og Wolfgangs er vel gætt þannig að ekkert getur farið úrskeiðis. Eða hvað?
Handbók fyrir ofurhetjur hefur slegið í gegn í Svíþjóð, Íslandi og víðar. Þetta er tíundi hluti sögunnar um Rauðu grímuna og vini hennar.
Gervigul
Höfundur: R.F. Kuang
Þýðing; Ingunn Snædal
Bókin hefur náð metsölu víða um heim enda efni hennar vakið gríðarmikla athygli. Þá sérstaklega vinkillinn sem snýr að menningarnámi og samfélagsmiðlum.
Hvítar lygar. Svartur húmor. Banvænar afleiðingar...
Metsöluhöfundurinn Juniper Song er ekki sú sem hún segist vera, hún skrifaði ekki bókina sem hún segist hafa skrifað og hún er svo sannarlega ekki Asíu-Ameríkani – eins og segir frá í þessari hryllilegu og bráðfyndnu skáldsögu frá R.F. Kuang, #1 New York Times metsöluhöfundi.
Höfundarnir June Hayward og Athena Liu áttu að vera rísa saman upp á stjörnuhiminninn. En Aþena er sú sem slær í gegn í bókmenntaheiminum. June Hayward þekkir enginn. Hver vill lesa sögur um grunnhyggnar hvítar stelpur? hugsar June.
Lykillinn
Höfundur Kathryn Hughes
Þýðing Ingunn Snædal
Frá metsöluhöfundi Bréfsins, Leyndarmálsins og Minningaskrínisins kemur nú Lykillinn. Ógleymanlega saga um glataða ást og hræðilegt leyndarmál.
1956
Þetta er fyrsti dagur Ellenar Crosby sem hjúkrunarnemi við Ambergate spítalann. Þegar hún tekur á móti ungri konu, í fylgd föður síns, tekur hún ákvörðun sem breytir lífi þeirra beggja um alla framtíð.
2006
Það er eitthvað sem togar Söruh að yfirgefna spítalanum Ambergate. Þegar hún ráfar um tóma gangana kemur fram á ferðatösku sem virðist hafa verið í eigu kvenkyns sjúklings, sem hafði verið á spítalanum fyrir 50 árum. Ótrúlegt innihald töskunnar fær Söruh til að grafast fyrir um löngu gleymda sögu um trega og glataða ást. Tekst henni að finna réttlæti að lokum?
Handbók fyrir ofurhetjur: 9. hluti – Nýr vinur
Höfundar:Elias og Agnesi Våhlund
Þýðing Ingunn Snædal
Það hefur aldrei verið svona rólegt og friðsælt í bænum Rósahæð. Það versta sem gerist er að einhver spilar tónlist of hátt eða leggur bíl ólöglega. Einn daginn kemur Lísa auga á stúlku sem hún hefur aldrei séð áður. Innan skamms fer þessi dularfulla stúlka að birtast á óvæntum stöðum. Hún er liðugri, sterkari og hugrakkari en nokkur manneskja sem Lísa þekkir. Hver er hún? Geta hún og Lísa kannski orðið vinkonur?
Handbók fyrir ofurhetjur er bókaröðin sem hefur lagt Ísland, gjörvalla Svíþjóð og fleiri lönd að fótum sér. Þetta er níundi hluti sögunnar um Rauðu grímuna og vini hennar.
LÆK
Sæskrímsli, uppvakningar, tröll, kolkrabbahamstur, fangamyndavél, ofurhetja og allskyns aðrar fígúrur búa innan um mannfólkið í Hafnarfirði – og lifna við í stórskemmtilegum, sprenghlægilegum, á stundum afar sorglegum en aðallega spennandi smásögum.
Nemendur á mið- og unglingastigi í Hafnarfirði skrifuðu niður hugmyndir að söguþráðum, sögusviðum og nöfnum sögupersóna. Verðlaunahöfundarnir Gunnar Helgason og Bergrún Íris drógu svo úr hugmyndunum og það var alveg sama hversu klikkaðar, skrítnar eða ótrúlegar hugmyndirnar voru, þau URÐU að nota þær. Þannig að sögurnar eru skrifaðar af Gunna, Bergrúnu og krökkunum í Hafnarfirði.
Útkoman er ein hressilegasta bók sem út hefur komið!
Hér skrifa Gunnar Helgason og Bergrún Íris níu sögur hvort og sögurnar eru myndlýstar með myndum frá nemendum í hafnfirskum skólum.
Góð skemmtun!
Lífshættulegt loforð
Höfundur Angela Marsons
Þýðing Ingunn Snædal
Ugla sat á kvisti … Aðeins ég veit hver fær að lifa og hver mun deyja
Þegar þekktur læknir finnst myrtur á hroðalegan hátt í skóglendi bregður Kim Stone rannsóknarfulltrúa í brún við að uppgötva að fórnarlambið er Gordon Cordell – maður sem tengdist eldra sakamáli þar sem ung skólastúlka lét lífið. Gordon á sér vafasama fortíð en hver gat viljað hann feigan?
Þegar rannsókn málsins er hafin lendir sonur Gordons í alvarlegu bílslysi og berst fyrir lífi sínu. Kim er handviss um að slysið hafi verið af mannavöldum.
Svo finnst konulík við grunsamlegar kringumstæður og Kim áttar sig á tengslum fórnarlambsins við Russels Hall-sjúkrahúsið þar sem Gordon vann.
Kim og liðið hennar syrgja enn fallinn félaga sinn en þurfa að kljást við einn hættulegasta raðmorðingja sem þau hafa fyrirhitt. Allt er í húfi. Tekst Kim að halda liðinu sínu saman og finna morðingjann áður en næsta fórnarlamb fellur í valinn?
Morðinginn fer í gegnum fórnarlömbin á ógnarhraða og hefur ekki lokið sér af.
Mírabella er sérstök af því að hún er öðruvísi.
Höfundur Harriet Muncaster
Þýðing Ingunn Snædal
Mamma Mírabellu er norn og pabbi hennar er álfur og hún er ALLTAF að gera eitthvað af sér!
Nú ætla álfarnir að halda hátíð og pabbi Mírabellu er búinn að segja að hún verði að haga sér vel. En Mírabella veit að allt verður mun skemmtilegra ef hún framkvæmir nokkra nornagaldra.
Tekst Mírabellu að halda sig á mottunni? MJÖG LÍKLEGA EKKI
